Cwestiwn 1 - Yn
eich barn chi, a yw Cynlluniau Strategol Cymraeg mewn Addysg yn
cyfrannu at y deilliannau a’r targedau a nodir yng Nghynllun
Strategol y Gymraeg mewn Addysg Llywodraeth Cymru?
|
Teimlaf ei bod yn bwysig cael Cynlluniau Strategol
Cymraeg mewn Addysg o fewn pob Awdurdod oherwydd mae cael cynllun
o'r fath yn sicrhau atebolrwydd gan yr Awdurdodau Lleol er mwyn
sicrhau darpariaeth addysg cyfrwng Cymraeg ar gyfer ein
plant.
Roeddwn i wedi croesawu'r ffaith bod cael cynllun o'r
fath o fewn yr Awdurdod yn nawr yn statudol a dyna le y dylai fe
wedi bod o'r cychwyn.
Nawr ei fod yn ddyletswydd statudol ar gyfer pob
Awdurdod, rwy'n edrych ymlaen at weld sut y mae hyn yn mynd i
ddatblygu o fewn Bwrdeistref Sirol Pen-y-bont oherwydd bod cael
cynllun o'r fath yn cyfrannu at Gynllun
Strategol y Gymraeg mewn Addysg Llywodraeth Cymru, ond nid wyf yn teimlo ei fod yn cyflawni digon ar
hyn o bryd.
Rwyf hefyd yn credu ein bod ni’n ceisio ein
gorau glas i ddangos y galw am Addysg Gymraeg o fewn Pen-y-bont ar
Ogwr, ond bod hyn yn profi’n ddiffrwyth yn yr ymateb o
gynyddu ein hysgolion yn y Fwrdeistref. Pam mae gennym ni
gynllun o'r fath i ddangos y galw os na ellir ei roi ar waith?
Pam mae angen i ni ddangos y galw am addysg cyfrwng Cymraeg
ac nid ar gyfer ysgolion cyfrwng Saesneg?
|
Os
ydych o’r farn nad yw Cynlluniau
Strategol Cymraeg mewn Addysg yn cyfrannu ddigon, sut y gellir
datrys hyn?
|
Rwy’n
credu bod cael y Cynllun Strategol Cymraeg mewn Addysg yn ofynnol,
ond mae angen ei wella drwy gael ymrwymiad uwch swyddogion o fewn
yr Awdurdod Lleol a'r ymrwymiad gan aelodau gwleidyddol.
Credaf y byddai hyfforddiant Ymwybyddiaeth Iaith hefyd o fudd
i'r Awdurdodau Lleol.
Er
fy mod yn gwerthfawrogi bod cyllid yn dynn a’r effeithiau y
mae hyn yn cael ar yr Awdurdodau Lleol, mae hyn yn bwysig iawn ar
gyfer gweithrediad effeithiol y cynllun a thwf o fewn Addysg
Cyfrwng Cymraeg.
|
Cwestiwn 2 - Yn eich barn chi, a yw Cynlluniau Strategol Cymraeg
mewn Addysg yn sicrhau’r newidiadau angenrheidiol mewn
awdurdodau lleol, neu a allant wneud hynny (er enghraifft, sicrhau
eu bod yn darparu ar gyfer unrhyw gynnydd yn y galw am addysg
Gymraeg)?
|
Ar hyn o bryd nid wyf yn credu bod Cyngor Pen-y-bont
yn darparu darpariaethau
i ateb y galw cynyddol.
Mae hyn wedi bod
yn wir am nifer o flynyddoedd. Mae hon yn
frwydr barhaus
i ni. Fodd bynnag, teimlaf gyda’r awgrymiadau uchod, gall hyn newid.
Os yw'r galw
wedi cael ei brofi, yna dylai'r ddarpariaeth ddilyn.
|
Os
ydych o’r farn nad yw Cynlluniau
Strategol Cymraeg mewn Addysg yn sicrhau newidiadau, neu na allant
wneud hynny, sut y gellir datrys hyn?
|
Mwy o
gyfraniad gan Lywodraeth Cymru yn hytrach na dim ond cymeradwyo ein
cynlluniau. Rwy’n credu er ei bod yn bwysig bod y cynlluniau
yn cael eu hysgrifennu mewn perthynas â'n Bwrdeistref Sirol
mae lle hefyd i Lywodraeth Cymru ddarparu targedau i bob Awdurdod
Lleol. Gellir defnyddio hyn drwy edrych ar ein hystadegau i
osod llinell sylfaen ar gyfer targedau o'r fath.
|
Cwestiwn 3 - Beth
yw eich barn ar y trefniadau ar gyfer pennu targedau; monitro;
adolygu; cyflwyno adroddiadau; cymeradwyo a chydymffurfio â
gofynion Cynlluniau Strategol Cymraeg mewn Addysg (a rôl
awdurdodau lleol a Llywodraeth Cymru yn y cyswllt hwn)?
|
Nid wyf yn teimlo bod y cynlluniau yn cael eu monitro
digon ac er canlyniad does dim effaith wedi cael ei wneud.
Dydw i ddim yn credu bod darpariaethau o'r fath wedi cynyddu
ym Mwrdeistref Pen-y-bont am flynyddoedd ar wahân i dderbyn
ein hysgol Gyfun Gymraeg gyntaf yn 2008 a gymerodd amser hir
i’w gael yn y lle cyntaf.
pennu
targedau; monitro; adolygu; cyflwyno adroddiadau; cymeradwyo a
chydymffurfio â gofynion Cynlluniau Strategol Cymraeg mewn
Addysg angen
fod yn fwy cadarn.
|
Os
ydych o'r farn bod problemau yn y maes hwn, sut y gellir eu
datrys?
|
Mae angen i Lywodraeth Cymru fod yn fwy ymglymedig a
chadarn â'r cynlluniau.
Mae angen i'r cynlluniau fod yn dargedau priodol sy'n adlewyrchiad
cywir o'u cymunedau. Mae angen dangos cynnydd mewn Addysg
Cyfrwng Cymraeg e.e. ar gyfer pob ysgol sydd angen mae angen
ystyriaeth o'r ddwy ddarpariaeth, addysg Gymraeg a Saesneg, hyd yn
oed os taw safle ar gyfer y ddwy ddarpariaeth ydyw.
Mae angen i awdurdodau lleol fod yn ymwybodol o fanteision addysg
cyfrwng Cymraeg a bod yn ymroddedig i'w datblygiadau.
|
Cwestiwn 4 - Yn
eich barn chi, a yw Cynlluniau Strategol Cymraeg mewn Addysg yn
amlygu rhyngweithio effeithiol rhwng strategaeth addysg Gymraeg
Llywodraeth Cymru a deddfwriaeth a pholisïau perthnasol
eraill*?
(*er enghraifft, polisi cludiant ysgolion; rhaglen Ysgolion yr
Unfed Ganrif ar Hugain; y datganiad polisi - Iaith fyw:iaith byw;
Dechrau’n Deg; polisi cynllunio)?
|
Nid wyf yn credu bod
Cynlluniau Strategol Cymraeg mewn Addysg yn amlygu rhyngweithio
effeithiol rhwng strategaeth addysg Gymraeg Llywodraeth Cymru a
deddfwriaeth a pholisïau perthnasol eraill.
|
Os
ydych o'r farn bod problemau yn y maes hwn, sut y gellir eu
datrys?
|
Bydd newidiadau i bolisi cludiant yr ysgol yn cael effaith
andwyol ar addysg cyfrwng Cymraeg. Mae angen i
hyn gael ei ystyried wrth weithredu
polisïau.
Mae angen gwneud gwaith i hyrwyddo addysg cyfrwng
Cymraeg i rieni, esbonio’r buddiannau ac ateb eu
cwestiynau.
Pan fydd ystadau newydd yn cael eu hadeiladu mae angen rhoi
ystyriaeth i ysgolion cyfrwng Cymraeg. Dylwn ni ddim gorfod
dangos y galw am Addysg Cyfrwng Cymraeg, dylid ei ddarparu, hyd yn
oed os yw safle o’r fath yn agored ar gyfer darpariaeth
Cymraeg a Saesneg ar yr un safle.
|
Cwestiwn 5 - Yn
eich barn chi, a yw canlyniadau’r Cynlluniau Strategol
Cymraeg mewn Addysg yn sicrhau canlyniadau teg i bob disgybl, gan
gynnwys er enghraifft, disgyblion cynradd / uwchradd; plant o
gartrefi incwm isel?
|
Yn
fy marn i, nid wyf yn credu bod canlyniadau’r
Cynlluniau Strategol Cymraeg mewn Addysg yn sicrhau canlyniadau teg
i bob disgybl o fewn Bwrdeistref Pen-y-bont ar
Ogwr.
|
Os
ydych o’r farn nad yw canlyniadau’r Cynlluniau
Strategol Cymraeg mewn Addysg yn sicrhau canlyniadau teg, sut y
gellir datrys hyn?
|
|